یونېسف خبرداری ورکړی، سره له دې چې د بشري مرستو تمویل کم شوی، د ماشومانو د حقونو او هوساینې پر وړاندې ګواښونه لا هم پراخه او اندېښمنوونکي پاتې دي.
د ملګرو ملتونو د ماشومانو د ملاتړ صندوق ټینګار کړی چې اوس له هر وخته زیات، نړۍواله ټولنه باید د هر ماشوم د ملاتړ او د هغوی د حقونو او هوساینې د تضمین لپاره په ګډه اقدام وکړي.
له دې مخکې هم ملګرو ملتونو خبرداری ورکړی و چې په افغانستان کې د لوږې او خوارځواکۍ کړکېچ د پاموړ زیات شوی او یو لوی شمېر ماشومان د سختې خوارځواکۍ له جدي ګواښ سره مخ دي.
