یاد وزارت زیاته کړې چې، د طالبانو د پرلهپسې ډاډونو سره سره، د دغو ډلو د مخنیوي لپاره تر اوسه کوم عملي او د ارزونې وړ اقدام نهدی شوی.
اسلاماباد طالبانو ته خبرداری ورکړی چې باید د افغانستان په خاوره کې د مېشتو ټولو وسلهوالو ډلو، د هغوی د مشرانو په ګډون، پر ضد بیړني عملي او د تایید وړ اقدامات وکړي، او ټینګار یې کړی چې پاکستان د خپلو وګړو د امنیت او ځمکنۍ بشپړتیا د ساتنې لپاره د متقابل اقدام حق خوندي ساتي.
دغه پېښه یو ځل بیا د دواړو لورو ترمنځ تاوتریخوالی زیات کړی دی. پاکستاني چارواکي وایي چې د افغانستان په خاوره کې د مېشتو وسلهوالو ډلو مسوولیت د طالبانو پر چارواکو دی.
همدارنګه، د پاکستان د دفاع وزیر خواجه محمد اصف خبرداری ورکړی کهچېرې طالبان د وسلهوالو ډلو پر ضد اقدام ونه کړي، اسلاماباد به د افغانستان په خاوره کې د نورو بریدونو له ترسره کولو ډډه ونه کړي.
خو طالبان تل د پاکستان هغه تورونه رد کړي چې ګواکې په افغانستان کې وسلهوالې ډلې حضور لري او یا یې ملاتړ کوي.
