د طالبانو د سرحدونو، قومونو او قبایلو چارو وزارت په مشرۍ د سرحدي چارو د تثبیت کمېسیون اړوند تخنیکي کمېټو تېره ورځ د هرات ولایت په اسلامکلا کې د افغانستان او ایران د تخنیکي ډلو په حضور کې د سرحدي نښو د نوي کولو چارې پیل کړې دي.
د طالبانو د سرحدونو، قومونو او قبایلو چارو وزارت په خپره کړې
خبرپاڼه کې ویل شوي، چې یادې تخنیکي ډلې پلان لري د دواړو هېوادونو ترمنځ پر پوله
سرحدي نښې نوې او معیاري کړي.
د خبرپاڼې له مخې، دا اقدام به د افغانستان او ایران ترمنځ پر اړیکو،
امنیتي همغږۍ او نورو اړوندو برخو مثبتې اغېزې ولري.
