دغه وزارت د شنبې په ورځ( د کب ۹مه) په خپره کړې اعلاميه کې ټينګار کړی چې سعودي عربستان له «وروڼو هېوادونو» سره خپله بشپړه همبستګي اعلانوي او چمتو دی چې د هغوی د ملاتړ لپاره خپلې ټولې اسانتياوې وکاروي.
په اعلاميه کې راغلي چې رياض د هېوادونو د حاکميت د پرلهپسې نقض او د نړۍوالو حقوقو د اصولو د تر پښو لاندې کېدو د خطرناکو پايلو په اړه خبرداری ورکوي او له ټولو لورو غواړي چې له هغو اقدامونو ډډه وکړي چې د کړکېچ د لا زياتېدو لامل ګرځي.
دا په داسې حال کې ده چې د نن (شنبې، د کب ۱۰مه)سهار راهيسې د ايران او اسرایيلو تر منځ د متقابلو بريدونو نوې لړۍ پيل شوې او ايران د فارس خليج په سيمه کې د امريکا پر پوځي اډو هم بريدونه کړي دي.
