رویټرز همداراز راپور ورکړی چې د امریکا او اسراییل ګډ هوايي کمپاین د دوشنبې په ورځ لا پراخ شوی او د ژر پای ته رسېدو نښې نه تر سترګو کېږي. ایراني چارواکو تر اوسه د شاتګ کومه لېوالتیا نه ده ښودلې، او شنونکي وايي یوازې هوايي ځواک ښايي پراخ سیاسي اهداف پوره نه کړي.
د امریکا او اسراییل ګډ پوځي عملیات د واشنګټن او تهران ترمنځ د وروستیو لسیزو له تر ټولو لویو پوځي کړکېچونو څخه ګڼل کېږي. دغه عملیاتو دواړو لورو ته تلفات اړولي او د پراخې سیمهییزې جګړې اندېښنې یې زیاتې کړې دي، په داسې حال کې چې د کړکېچ د مهارولو لپاره ډیپلوماتیکې هڅې محدودې ښکاري.
