یونېسف د پنجشنبې په ورځ( د کب په ۱۴مه) په خپلې ایکس پاڼې لیکلي چې په همدې موده کې له ۱٫۸ مېلیونو څخه زیاتو کسانو ته روغتیايي اسانتیاوې برابرې شوي او ۲٫۷ مېلیونه نورو کسانو د اوبو، حفظالصحې او روغتیا په برخه کې اړینې مرستې ترلاسه کړې دي.
دغه بنسټ زیاته کړې چې څه باندې ۲٫۱ مېلیونه کسانو د حفظالصحې په تړاو د عامه پوهاوي د پروګرامونو تر پوښښ لاندې راغلي دي.
د یونېسف په وینا، په دې موده کې ۵۱ ښوونځي او ۳۲ روغتیايي مرکزونه هم د اوبو، حفظالصحې او روغتیا په اسانتیاوو زمینه برابره شوې ده.
