په بدخشان ولایت کې ځايي سرچینې وایي چې د طالبانو یو غړی، چې د پاکستان پر ضد د جګړې لپاره سرحدي سیمو ته تللی و، د پاکستاني پوځ د جنګي الوتکو په بریدونو کې وژل شوی دی.
د سرچینو په وینا، دغه کس د طالبانو د دفاع وزارت د سرحدي کندک غړی و
او د کب په ۱۴مه د پاکستاني پوځ د هوايي بریدونو پر مهال د طالبانو پر سرحدي
مورچلو د بریدونو په ترڅ کې په نښه شوی او وژل شوی دی.
سرچینې زیاتوي چې په دغو سرحدي سیمو کې د بدخشان او تخار ولایتونو د
اوسېدونکو طالبانو د تلفاتو شمېر هم لوړ بلل کېږي.
د سرچینو په خبره، طالبانو له دغو بریدونو وروسته په سرحدي سیمو کې
خپلې ټولې قرارګاوې تخلیه کړې دي.
دا په داسې حال کې ده چې په وروستیو ورځو کې د پولې په اوږدو کې د طالبانو پر مورچلو د پاکستاني ځواکونو بریدونه زیات شوي دي.
