د شکین په بازار کې دوه ملکي وګړي وژل شوي او په دواړو ولسوالیو کې شپږ کورونه او څو هټۍ زیانمن شوي دي.
د فطرت په وینا، د خوست ولایت د عليشېر او تریزو ولسوالیو کې د بمبارۍ له امله یو ملکي وګړی وژل شوی او دوه ځوانان ټپیان شوي دي. همدارنګه ۱۰ کورونه او یو جومات زیانمن شوي او څه باندې ۱۰۰ کورنۍ بېځایه شوې دي.
هغه دا هم ویلي چې د پکتیا ولایت په ځاځي میدان ولسوالۍ کې یو استوګنیز کور په نښه شوی چې ځاني تلفات نه لري؛ خو مالي زیان یې اړولی دی.
د طالبانو د ویاند مرستیال زیاته کړې چې د کونړ ولایت د نارې ولسوالۍ کې هم په تېرو ۲۴ ساعتونو کې شاوخوا ۶۰ درنې مرمۍ توغول شوې دي. که څه هم ځاني تلفات نه دي ثبت شوي؛ خو خلکو ته مالي زیانونه اوښتي او د دې سیمې د مرکزي کلي د دوکلام بند یوه برخه هم ویجاړه شوې ده.
