د امریکا ولسمشر همداراز خبرداری ورکړی چې ښايي ایران د شنبې په ورځ له سختو بریدونو سره مخ شي او ځینې هغه سیمې چې تر دې مخکې د هدفونو په لېست کې نهوې، هم ښايي په نښه شي.
ټرمپ دا څرګندونې داسې مهال کړې دي چې د ایران ولسمشر، مسعود پزشکیان، په یوه ویډیويي پیغام کې د خپلو ګاونډیو هېوادونو پر وړاندې د بریدونو له امله بښنه غوښتې ده.
خو ټرمپ تر دې مخکې ویلي وو چې تر هغه وخته به هېڅ ډول هوکړه ونه شي تر څو ایران «بېقید او شرطه تسلیم» نه شي؛ خو پزشکیان د دې خبرو په غبرګون کې ویلي چې دا ډول غوښتنه «یو داسې خوب دی چې هغوی باید له ځان سره قبر ته یوسي».
