د رویټرز خبري اژانس د شنبې په ورځ (د کب په ۲۳مه) د سوېلي کوریا د پوځ له قوله راپور ورکړی چې دغه توغندي د شمالي کوریا پلازمېنې پیونګیانګ ته نږدې له یوې سیمې څخه د دغه هېواد د ختیځ سمندر پر لور توغول شوي دي.
د راپور له مخې، د جاپان ساحلي ساتونکو هم ویلي چې یو احتمالي بالستیک توغندی په سمندر کې لوېدلی او داسې ښکاري چې د جاپان له ځانګړې اقتصادي سیمې څخه بهر غورځېدلی وي.
دا توغندیزه ازموینه په داسې مهال ترسره شوې چې امریکا او سوېلي کوریا ګډ پوځي تمرینونه ترسره کوي؛ هغه تمرینونه چې پیونګیانګ تل د ځان پر وړاندې د پوځي برید د تمرین په توګه یادوي.
