کابل ټریبون – د سعودي عربستان د بهرنیو چارو وزیر، فیصل بن فرحان آل سعود، نن (یکشنبې د وري په ۹مه) په اسلاماباد کې د پاکستان د لومړي وزیر مرستیال او بهرنیو چارو وزیر محمد اسحاق ډار سره کتلي دي.
دواړو چارواکو د سیمې پر روان وضعیت هر اړخیزې خبرې کړي او د دوامدارو خبرو، نږدې همغږۍ او د سیمهییزو پرمختګونو په برخه کې د لا زیاتې همکارۍ پر ګډ تعهد یې ټینګار کړی دی.
دغه سفر د پاکستان او سعودي عربستان ترمنځ د اوږدمهالو ډیپلوماټیکو او سټراټېژیکو اړیکو څرګندونه کوي.
