ټرمپ دغه خبرې سپینه ماڼۍ کې خبریالانو ته کړي او سپینې ماڼۍ هم تازه ویلي چې ټاکل شوې ټرمپ د چهارشنبې په ماښام د ایران د جګړې په اړه وروستي جزییات شریک کړي.
په ورته مهال د امریکا بهرنیو چارو وزیر مارکو روبیو هم له فاکس نیوز سره خبرو کې څرګنده کړې چې امریکا کولای شي د ایران د جګړې پای وویني خو په خبره یې: "نن او یا سبا نه، بلکې نږدې راتلونکي کې."
که څه هم د ایران او امریکا ترمنځ رسمي مذاکرات نه دي پیل شوي خو روبیو ویلي چې د دواړو هېوادونو ترمنځ خبرې روانې دي او پېغامونه تبادله شوي او د یوې مخامخ ناستې احتمال هم شته.
تر دې وړاندې ځینو رسنیو راپور ورکړی و چې امریکا په ایران کې د څو اوونیو ځمکنیو عملیاتو لپاره چمتووالی نیسي او د همدې لپاره یې منځني ختیځ ته زرګونه نور ځواکونه هم استولي دي.
