کابلوف وویل چې د روسیې او افغانستان ترمنځ سیاسي اړیکې روانې دي او سرګي لاوروف، د روسیې د بهرنیو چارو وزیر، په تېرو یو کال کې څو ځله د طالبانو د بهرنیو چارو له وزیر امیرخان متقي سره خبرې کړې دي. همدارنګه اقتصادي همکارۍ، په ځانګړې توګه د انرژۍ په برخه کې، د دواړو لوریو په اجنډا کې دي او افغانستان د روسیې له ډیزلو او پټرول سره علاقه ښودلې ده.
د افغان کاري کډوالۍ موضوع
هغه زیاته کړه چې د افغان کاري کډوالو د جذب په اړه خبرې روانې دي؛ خو تر اوسه په دې برخه کې مشخص توافق نهدی شوی.
کابلوف ټینګار وکړ چې له افغانستان سره د اړیکو پراختیا به د یوه قوي حقوقي چوکاټ پر اساس دوام وکړي چې د شوروي دورې څخه پاتې دی او مسکو غواړي د کابل سره څو اړخیزه همکارۍ پراخه کړي.
په همدې حال کې، روسیه څو ځله د طالبانو او پاکستان ترمنځ د شخړو د حل لپاره د خبرو پر اهمیت ټینګار کړی او تل هڅه کړې چې د دواړو خواوو ترمنځ د خبرو زمینه برابره کړي.
