شریف ټینګار کړی چې د تاوتریخوالي دوام کولای شي د سیاسي حل د ترلاسه کولو هڅې له جدي ننګونو سره مخ کړي، او اړینه ده چې ټولې خواوې پر خپلو ژمنو، ژمن پاتې شي.
دا په داسې حال کې ده چې تېره ماښام ایران او امریکا اعلان وکړ چې د پاکستان د منځګړیتوب له لارې د دوه اوونۍ اوربند پر سر هوکړه کړې؛ خو راپورونه د ایران په ځینو سیمو کې د بریدونو او همداراز د اسراییل له خوا پر لبنان د بریدونو په اړه نن خپاره شوي دي.
هممهاله، ایران د تاوتریخوالي د پای ته رسولو لپاره لس مادېزه طرحه وړاندې کړې، او ډونالډ ټرمپ هم په خپلو تازه څرګندونو کې ویلي چې ډېر ژر به په پاکستان کې خبرې پيل شي.
