طالبان: د هرات په انجیل کې پر مېلهکوونکو د ډزو له امله ۷ کسان وژل
شوي او ۱۳ ټپیان دي
د طالبانو د کورنیو چارو وزارت ویاند عبدالمتین قانع ویلي، چې نن
(جمعه) ماسپښین د هرات ولایت د انجیل ولسوالۍ د قبرزون سیمې په یوه مېلهځای کې
ناپېژانده موټر سایکلسپرو وسلهوالو پر خلکو ډزې کړې دي.
د هغه په وینا، په دې پېښه کې اووه کسان وژل شوي او ۱۳ نور ټپیان دي،
چې د یو شمېر ټپیانو روغتیايي وضعیت هم نازک ښودل شوی دی.
قانع په دې اړه نور جزییات نه دي شریک کړي.
له دې وړاندې سرچینو ویلي ویلي ؤ، چې د دې ولایت د انجیل ولسوالۍ په
مربوطاتو کې نامعلومو وسلهوالو پر یو شمېر ملکي وګړو ډزې کړې دي.
د سرچینو په وینا، دا پېښه د جمعې په ورځ، ۲۱ حمل، د دهمیري په کلي کې
د هاشمي پُل ته څېرمه رامنځته شوې ده.
ویل کېږي، دا سیمه د تفریح لپاره مشهوره ده او ډېری خلک د چکر او
استراحت لپاره هلته تګ راتګ کوي.
