د ولادیمیر پوتین او د مسعود پزشکیان ترمنځ د ټیلیفوني خبرو پر مهال د منځني ختیځ پر وروستیو تحولاتو او د سیمې پر امنیتي وضعیت خبرې شوې دي.
د روسیې د بهرنیو چارو وزارت نن یکشنبه د حمل په ۲۳مه په یوه خبرپاڼه
کې ویلي ویلي، چې پزشکیان د اسلامآباد کې د ایران او امریکا ترمنځ د ترسره شویو
خبرو ارزونه شریکه کړې او د کړکېچ د کمولو په برخه کې یې د روسیه له دریځه مننه
کړې ده.
نوموړي همداراز د ایران له خلکو سره د روسیې د بشردوستانه مرستو
قدرداني کړې ده.
په ورته وخت کې، پوتین ټینګار کړی، چې هېواد یې چمتو دی د سیاسي او
ډیپلوماټیکو لارو د حل ملاتړ ته دوام ورکړي او د عادلانه او دوامدارې سولې لپاره
به د منځګړیتوب هڅې جاري وساتي.
دواړو لورو د دوهاړخیزو اړیکو پر پیاوړتیا هم ټینګار کړی او ژمنه یې
کړې چې د ښه ګاونډیتوب اړیکې به لا پراخې کړي.
په خبرپاڼه کې زیاته شوې ده، چې پزشکیان
د عیسوي اختر په مناسبت پوتین او د روسیې ارتودوکس عیسویانو ته مبارکي هم ورکړې ده.
