د کندوز ولایت په امام صاحب او د میدان وردګو ولایت په سیداباد ولسولۍ کې د دوو جلا ټرافیکي پېښو له امله یولس کسانو ژوند بایللی دی.
باختر خبري اژانس راپور ورکړی چې د کندوز ښار
او امام صاحب ولسوالۍ ترمنځ پر عمومي سړک د دوو موټرو ترمنځ ترافیکي پېښه
شوې چې له امله یې شپږ کسان مړه شوي.
د راپور له مخې، د امنیې
قوماندانۍ ویلي چې په مړه
شویو کسانو کې دوه ښځې هم شاملې دي. لومړني معلومات ښيي چې پېښه د دواړو موټر
چلوونکو د بېاحتیاطۍ له امله رامنځته شوې ده.
د میدان وردګو په سیدآباد ولسوالۍ کې د کابل ـ کندهار پر لویه لار د ټرافیکي پېښې له امله پنځه کسان مړه او یو بل سخت ټپي شوی دی. د دغه ولایت امنيې قوماندانۍ ويلي، چې پېښه تېره شپه د
عزیز کلا په سیمه کې د بې احتياطۍ له امله رامنځته شوې. ټپي روغتیايي مرکز ته لېږدول شوی دی.
