د طالبانو د هرات امنیه قومنداني وايي، د دغه ولایت په کرُخ ولسوالۍ کې درې وسله وال غله ویشتل شوي او ژوندي نیول شوي دي.
یادې قومندانۍ نن (چهارشنبه) په یوه خبرپاڼه کې ویلي، دغه کسان د
امنیتي ځواکونو له لوري په ځوابي برید کې ټپیان او نیول شوي دي.
په خبرپاڼه کې راغلي، چې یادو کسانو د کرُخ ولسوالۍ د سیند په مسیر کې
لارې تړلې وې او خلک یې لوټل.
دا په داسې حال کې ده، چې په دې وروستیو کې په هرات
او یو شمېر نورو ولایتونو کې د لارې شکولو او وسله والو غلاوو پېښې رامنځته کېږي.
