د بدخشان د طالبانو امنیه قومنداني وايي چې د دغه ولایت په بېلابېلو سیمو کې د دوو ترافیکي پېښو له امله درې کسان وژل شوي او اووه تنه نور ټپیان شوي دي.
د یادې قومندانۍ په وینا، دا پېښې د ۱۴۰۵ کال د ثور په ۲مه، د
چهارشنبې په ورځ رامنځته شوې دي.
د معلوماتو له مخې، لومړۍ پېښه د فیضآباد ښار اړوند د «سمدره» په
سیمه کې د فیضآباد–ارغنچخواه پر لاره د یوه فلانکوچ موټر د چپه کېدو له امله شوې
چې پکې یو کس وژل شوی او درې تنه نور ټپیان شوي دي.
دوهمه پېښه د شهر بزرگ ولسوالۍ کې رامنځته شوې چې له امله یې دوه کسان
وژل شوي او څلور نور ټپیان دي.
سرچینه زیاتوي چې ټپیان د درملنې لپاره روغتون ته لېږدول شوي دي.
