د امریکا د اسلامي اړیکو شورا (CAIR) د شورای روابط اسلامی امریکا (CAIR) له خوا د امریکا د فدرالي محکمې د وروستي پرېکړې هرکلی کړی؛ هغه پرېکړه چې له مخې به یې د افغان پناهغوښتونکو د دوسیو څېړنه له نور ځنډ پرته دوام ومومي.
یادې ادارې په یوه خبرپاڼه کې ویلي، دا حکم د CAIR له لوري د امریکا د کورني امنیت وزارت پر ضد د قانوني دعوې په پایله کې صادر شوی او پکې د هغو افغان پناهغوښتونکو د دوسیو د ارزونې دوام هم شامل دی چې ځینې یې کلونه د پرېکړې په تمه پاتې شوي دي.
د خبرپاڼې له مخې، د امریکا حکومت تر دې وړاندې هڅه کړې وه چې دا دوسیې د «لوړ خطر» لرونکو هېوادونو اړوند غوښتنلیکونو د ځنډولو له امله رد کړي.
په ورته مهال، د دې بنسټ د حقوقي برخې مرستیالې، فایزه دواله ویلي، حکومت نه شي کولای د کډوالۍ له قوانینو د پلي کېدو څخه ځان وباسي او پناهغوښتونکي باید د نورو غوښتونکو په څېر له عادلانه حقوقي بهیر څخه برخمن شي.
