د پنجشېر د طالبانو د والي ویاند، سیفالدین لټون، وایي چې د دغه ولایت له کانونو څخه د ۱۱ میلیونه، ۶۶۹ زره او ۸۷۶ افغانیو په ارزښت درې زره او ۱۵۸ قیراطه زمرد پلورل شوي دي.
د هغه په وینا، دغه زمرد نن د غویي په ۱۵مه، د سېشنبې په ورځ د
پنجشېر د کانونو او پټرولیم ریاست له لوري د یوې داوطلبۍ له لارې پر ملي سوداګرو
پلورل شوي دي.
لټون زیاته کړې چې د روان ۱۴۰۵ لمریز کال د وري میاشتې په نیمايي کې
هم د دغه ولایت له کانونو څخه دوه زره او ۶۳۹ قیراطه زمرد د نږدې درې میلیونه
افغانیو په ارزښت د داوطلبۍ له لارې پلورل شوي وو.
