د ننګرهار د طالبانو امنیه قومنداني وايي، د دغه ولایت د روداتو ولسوالۍ په قطرغۍ سیمه کې د یوې ناچاودې مرمۍ په چاودنه کې یو ماشوم وژل شوی او یوه نجلۍ ټپي شوې ده.
یادې قومندانۍ ویلي، پېښه نن د چهارشنبې
په ورځ هغه مهال رامنځته
شوې چې یادو ماشومانو د څارویو د څرولو پر مهال په ناچاوده مرمۍ لاس وهلی و.
د سرچینې په وینا، د وژل شوي ماشوم جسد د هغه کورنۍ ته سپارل شوی او
ټپي شوې نجلۍ د درملنې لپاره روغتون ته لېږدول شوې ده.
دا په داسې حال کې ده چې د افغانستان په بېلابېلو سیمو کې لا هم د
جګړو له پاتې ناچاوده توکي د ملکي وګړو، په ځانګړې توګه ماشومانو، لپاره جدي ګواښ
بلل کېږي او وخت ناوخت ورته پېښې د مرګ ژوبلې سبب ګرځي.
