سعودي ګزېټ راپور ورکړی چې د حج امنیتي ځواکونو پنځه افغانان د حج د مقرراتو د سرغړونې په تور نیولي دي.
سرچینه وايي چې هغوی هڅه کړې وه، چې د صحرا له لارې، په پلي ډول او له رسمي اجازې پرته مکې ښار ته داخل شي.
د راپور له مخې، پر ددغو کسانو په اړه قانوني اقدامات شوي دي.
د سعودي د عامه امنیت ادارې له خلکو غوښتي چې د حج مقرراتو او لارښوونو ته درناوی وکړي او ټینګار یې کړی چې د رسمي پروسو رعایت کول ډېر مهم دي.
د سعودي چارواکو هم له اوسېدونکو غوښتنه کړې چې سرغړونې په صورت کې امنیتي ادارو ته خبر ورکړي.
