په بغلان کې د طالبانو ولایت مقام وايي، چې نن یکشنبه د غویي په ۲۰مه، د بغلان ولایت په بېلابېلو سیمو کې دوې جلا ترافیکي پېښې شوې دي چې له امله یې دوه تنه وژل شوي او یو بل ټپي شوی دی.
د راپور له مخې، په لومړۍ پېښه کې یو موټر چې له بنو ولسوالۍ څخه د
خنجان پر لور روان و، د خوشدرې په سیمه کې له یوه ماشوم سره ټکر شوی دی. په دې
پېښه کې یو ۱۲ کلن ماشوم ژوند له لاسه ورکړی دی.
د سرچینې په وینا په دویمه پېښه کې یو ټېلري موټر چې له شمال څخه جنوب
ته په حرکت کې و، د سالنګ شمالي د دویمې ګولایي په سیمه کې له سړک څخه اوښتی دی. د
پېښې له امله د موټر چلوونکی وژل شوی او یو بل کس ټپي شوی دی.
د ترافیکو مسؤلین وایي، د دغو پېښو دقیق لاملونه تر څېړنې لاندې دي او
له موټر چلوونکو یې غوښتي چې د ترافیکي اصولو په رعایت او زیات احتیاط سره د ورته
پېښو مخه ونیسي.
