د طالبانو د غزني امنیې قوماندانۍ ویلي، چې د لوی اختر په ورځو کې د غزني ښار او بېلابېلو ولسوالیو کې ۳۴ ترافیکي پېښې شوې دي، چې له امله یې ۳۷ کسانو ته مرګژوبله اوښتې ده.
د یادې قوماندانۍ په خبرپاڼه کې راغلي، چې په دغو پېښو کې درې کسان وژل
شوي او د یوې ښځې او دوو ماشومانو په ګډون ۳۴ نور ټپیان شوي دي.
امنیې قوماندانۍ د دغو پېښو اصلي لاملونه چټک سرعت، د ترافیکي اصولو
نه مراعت او بېاحتیاطي یاد کړي دي.
د معلوماتو له مخې، یادې پېښې تر ډېره د کابل – کندهار پر لویه لار د
اندړو ولسوالۍ په مربوطاتو کې رامنځته شوې دي.
سرچینې همدارنګه ویلي، چې د اختر په ورځو کې په مالستان، بند سردې او
بند سلطان بند کې پنځه تنه د لامبو وهلو پر مهال اوبو ډوب کړي او خپل ژوند یې له
لاسه ورکړی دی.
