اروپايي ټولنه، نیکولا بلومو د افغانستان لپاره د خپل نوي استازي په توګه نومولی دی.
بلومو تر دې وړاندې د اروپايي ټولنې د بهرني سیاست په چوکاټ کې د
افریقا د چارو مسوول و، او همداراز یې په رواندا کې د اروپايي ټولنې د سفیر په
توګه دنده ترسره کړې ده.
د اروپايي ټولنې د بهرني اقدام ادارې د ۱۴۰۵ کال د غبرګولي په ۱۳مه
اعلان کړی چې کایا کالاس، د دې ټولنې د بهرنیو چارو او امنیتي سیاست عالي استازې،
په دې اداره کې پراخ بدلونونه راوستي دي.
د اعلان له مخې، په دغو بدلونونو کې ۳۳ سفیران او ۷ نوي مرستیالان د
اروپايي ټولنې د ډیپلوماټیکو ماموریتونو لپاره ټاکل شوي دي.
اروپايي ټولنې ټینګار کړی چې د بلومو نوماندي به د کوربه هېوادونو تر
رسمي موافقې او د اړینو اداري مراحلو تر بشپړېدو وروسته وروستۍ شي.
اوس مهال، ورونیکا بوشکوویچ پوهار په افغانستان کې د اروپايي ټولنې د
استازې په توګه دنده ترسره کوي.
