د طالبانو د بهرنیو چارو وزارت تر چتر لاندې د افغانستان د ستراتیژیکو مطالعاتو په مرکز کې د افغانستان او منځنۍ اسیا د څېړنیزو مرکزونو ګډه او سیمه ییزه غونډه پیل شوې ده.
دغه غونډه د طالبانو د بهرنیو چارو وزیر امیر خان متقي له خوا پرانیستل
شوې، چې په کې د سیمې د همکاریو پر پراختیا او ارزونې ټینګار شوی دی.
متقي ویلي، د دې غونډې موخه د افغانستان او منځنۍ اسیا ترمنځ د سیمهییزو
او متقابلو اړیکو پراختیا او د هغو ارزونه ده.
هغه همداراز د امریکا او ایران ترمنځ د شوې هوکړې هرکلی کړی او جګړه یې
د سیمې د ټولو لورو په زیان بللې ده.
د طالبانو د بهرنیو چارو وزارت په وینا، په دې غونډه کې د ازبکستان،
تاجکستان، ترکمنستان، قزاقستان، قرغزستان او اذربایجان د ستراتیژیکو مرکزونو
مشران، څېړونکي او پالیسي جوړونکي ګډون لري.
ټاکل شوې ده چې ګډونوال به د افغانستان او منځنۍ اسیا ترمنځ د سیمهییز
اتصال، ثبات، سوداګرۍ، انرژۍ، ټرانزیټ، پانګونې او اقتصادي همکاریو په اړه تر بحث
وروسته عملي وړاندیزونه وړاندې کړي او د دواړو لورو ترمنځ اوسنۍ اړیکې هم وارزوي.
