د طالبانو د کډوالو او بېرته راستنېدونکو چارو وزارت وايي، د روانې اوونۍ په ترڅ کې د پاکستان له زندانونو څخه ۱۴۷ افغان بندیان ازاد او افغانستان ته راستانه شوي دي.
د دغه وزارت په خبرپاڼه کې راغلي، چې یاد کسان د قانوني اسنادو د نه
لرلو له امله نیول شوي وو. د خبرپاڼې له مخې، دوی له ازادېدو وروسته د ډیورنډ فرضي
کرښې د سپین بولدک–چمن او تورخم له لارو هېواد ته راستانه او خپلو اصلي سیمو ته
لېږدول شوي دي.
د سرچینې په وینا، له دغو بېرته راستنو شویو افغانانو سره د مرستندویه
بنسټونو له لوري اړینې مرستې هم شوې دي.
د یادونې وړ ده، چې تېره اوونۍ هم د پاکستان له زندانونو څخه ۳۴۴
افغان بندیان ازاد او هېواد ته راستانه شوي وو.
