د زابل ولایت د شاجوی ولسوالۍ د بازرګان په سیمه کې د کابل ـ کندهار پر لویه لار د یوه ۵۸۰ ماډل بس موټر د چپه کېدو له امله یو کس مړ شوی او ۲۸ نور ټپیان دي.
په زابل کې د طالبانو امنیې
قوماندانۍ د رسنیو دفتر ویلي، پېښه نن سهار (د ۱۴۰۵
کال د چنګاښ ۱۵مه) شاوخوا د سهار په ۴:۰۰ بجو رامنځته شوې ده.
د سرچینې په وینا، یاد بس له هرات ولایت څخه کابل ته پر لاره و چې د نامعلوم علت
له امله چپه شو.
د طالبانو چارواکو په وینا، په
ټپیانو کې ۱۸ نارینه، شپږ ښځې او څلور ماشومان شامل دي.
سرچینې زیاته کړې چې د ترافیکو او امنیتي ځواکونو منسوبین پر وخت د
پېښې ځای ته رسېدلي او ټپیان یې د درملنې لپاره نږدې روغتیايي مرکز ته لېږدولي دي.
د پېښې د لامل په اړه تر اوسه نور جزییات نه دي خپاره شوي.
