د شپږیزې کرکټ لیګ د ۱۷مې لوبې په ترڅ کې سپینغر لوبډلې بند امیر لوبډلې ته د ۲۴ منډو په توپیر ماتې ورکړه.
سپینغر لومړی توپوهنه وکړه او د ټاکلو ۲۰ اورونو په پای کې یې د
ټولو لوبغاړو په سوځېدو سره بند امیر ته د ۲۱۰ منډو هدف وټاکه.
په ځواب کې بند امیر لوبډلې د ۲۰ اورونو تر بشپړېدو وروسته ۱۸۵ منډې
جوړې کړې او د هدف په ترلاسه کولو بریالۍ نه شوه.
د سپینغر لپاره بهیرشاه محبوب ۵۶
او نورالرحمن ۴۸ منډې
وکړې او د لوبډلې په بریا کې یې مهمه ونډه واخیسته.
د شپږیزې کرکټ لیګ د افغانستان د کورني کرکټ تر ټولو ستر شل اوریز
پړاو دی، چې هر کال د بېلابېلو زونونو لوبډلې پکې سیالي کوي. دغه سیالۍ د ملي
لوبډلې لپاره د نوو استعدادونو په موندلو او د کورني کرکټ په پیاوړتیا کې مهم رول
لري.
