په هرات ولایت کې د طالبانو د ولایت مقام د رسنیو دفتر وايي، د لومړي ځل لپاره د ۱۰۰ زره امریکايي ډالرو په ارزښت د افغانستان ډبرې امریکا متحده ایالتونو ته صادرې شوې دي.
د سرچینې په وینا، په دې صادراتو کې د هرات د زندهجان ولسوالۍ د
کانونو تورې ډبرې شاملې دي، چې د هرات د صنایعو او کانونو خونې په همکارۍ امریکا
متحده ایالتونو ته لېږدول شوې دي.
پههرات
ولایت کې د طالبانو د ولایت مقام د رسنیو دفتر دغه صادرات د افغانستان د کاني توکو
د صادراتو د پراختیا او په نړیوالو بازارونو کې د افغان کاني محصولاتو د حضور د
پیاوړتیا لپاره مهم ګام بللی دی.
افغانستان د مرمر، ګرانېټ، تراورټین او نورو طبیعي ډبرو پراخې زېرمې
لري، خو د پروسس، بازارموندنې او ترانزیټي محدودیتونو له امله یې د دغو کاني توکو
صادرات تر خپل بشپړ ظرفیت کم پاتې شوي دي.
