په بغلان کې طالبانو امنیه قوماندانۍ وايي، د دغه ولایت د مرکز پلخمري ښار په حسینخېلو سیمه کې د یوې ترافیکي پېښې له امله درې کسان وژل شوي او پنځه نور ټپیان شوي دي.
د بغلان امنیه قوماندانۍ د معلوماتو له مخې، دغه پېښه د ۱۴۰۵ کال د زمري په ۱۱مه د دوو مسافر وړونکو کوچنیو موټرو د ټکر له امله
رامنځته شوې ده.
په پېښه کې یو سړی، یوه ښځه او یو ماشوم وژل شوي او پنځه نور کسان
ټپیان شوي دي.
سرچینه وايي، ټپیان د درملنې لپاره روغتون ته لېږدول شوي او د پېښې
لومړنی لامل بېاحتیاطي بلل شوې ده.
په افغانستان کې ترافیکي پېښې د مرګژوبلې له مهمو لاملونو څخه دي. د
موټر چلوونکو بېاحتیاطي، د ترافیکي اصولو نه مراعاتول، د موټرو ترمنځ د خوندي
واټن نه ساتل او د سړکونو خراب وضعیت هغه عوامل دي چې د ورته پېښو د رامنځته کېدو
احتمال زیات کړی دی.
