کابلټریبیون (کېټي) د امریکا مرکزي قوماندانۍ (سېنټکام) وايي، د ایران د سپاه پاسداران له خوا د امریکا د سمندري ځواکونو پر دوو جنګي بېړیو د بالستیک توغندیو تر توغولو وروسته، امریکايي ځواکونو درې ایراني بېړۍ په نښه کړي دي.
سېنټکام د شنبې په ورځ په یوه خبرپاڼه کې وویل چې سپاه پاسداران د امریکا
پر دوو جنګي بېړیو، چې د سیمې په اوبو کې یې ګزمه کوله، بالستیک توغندي وتوغول.
د خبرپاڼې له مخې، د امریکا یوه الوتکهوړونکې بېړۍ او یوه په هدایتکېدونکو
توغندیو سمبال جنګي بېړۍ د سپاه له څو بریدونو روغې وتلې او هېڅ امریکايي سرتېري
ته زیان نه دی اوښتی.
د امریکا مرکزي قوماندانۍ وویل چې له دې بریدونو وروسته امریکايي
ځواکونو نېړیو «سټارک ۱»
د جاسک ښار ته نږدې او نفتلېږدونکې «ډاوني» د خارک ټاپو ساحل ته نږدې په نښه کړې
او له کاره یې غورځولې دي.
سېنټکام ویلي چې ایران د دغو بېړیو د دفاع لپاره «هېڅ وسیله» نه لري.
د امریکا د مرکزي قوماندانۍ قوماندان، اډمیرال براد کوپر، وویل: «زموږ
پیغام سپاه پاسداران ته باید روښانه وي: که زموږ پر دوو بېړیو ډزې وکړئ، موږ به لا
دروند اقتصادي زیان درواړوو او ستاسو درې بېړۍ به له منځه یوسو.»
هغه زیاته کړه چې امریکا به د خپلو ځواکونو په دفاع کې «هېڅ ډول تردید
ونه کړي» او که اړتیا پېښه شي، د ایران «محدود او زیانمنونکی» نفتلېږدونکی بیړۍ
به له منځه یوسي.
د سېنټکام د خبرپاڼې له خپرېدو څو ساعته مخکې، د سپاه پاسداران اړوند
تسنیم خبري اژانس راپور ورکړی و چې د ایران یوه د تېلو بېړۍ د خارک ټاپو په شپږ میله واټن کې د امریکايي ځواکونو تر برید
لاندې راغلې ده.
