کابل ټریبون (کېټي)— د پاکستان د بهرنیو چارو وزارت ویاند وايي، افغانستان دښمن هېواد نه دی او هغه افغان زدهکړیالان چې معتبرې ویزې او قانوني اسناد ولري، کولای شي په دغه هېواد کې خپلو زدهکړو ته دوام ورکړي.
پاکستان خبریال، طاهرخان ویلي، چې د بهرنیو چارو وزارت ویاند سجاد حیدر خان دا څرګندونې د پنجشنبې په ورځ په خپل لومړني اوونیز مطبوعاتي کنفرانس کې کړې دي.
خان ویلي، تر اوسه داسې کومه پرېکړه نه ده شوې چې ټول افغان زدهکړیالان دې افغانستان ته ستانه کړل شي.
هغه زیاته کړې: «افغانستان دښمن هېواد نه دی.»
خو د پاکستان د اوسني سیاست له مخې د صادر شویو خبرتیاوو له امله د افغان زدهکړیالانو د وضعیت په اړه لا هم ابهام شته. په دغو خبرتیاوو کې په څرګند ډول نه دي ویل شوي چې د معتبرې ویزې لرونکي افغان زدهکړیالان له ستنولو څخه مستثنا دي.
په ورته وخت کې، د پاکستان د طبي او غاښونو شورا (PMDC) له طبي زدهکړیزو بنسټونو غوښتي چې په پاکستان کې شامل «افغان اتباع» د اوسني سیاست له مخې افغانستان ته ستانه کړي.
د بهرنیو چارو وزارت تر اوسه د افغان طبي زدهکړیالانو په اړه د PMDC د دې
غوښتنې د وضاحت لپاره د کومې جلا پرېکړې یا خبرتیا اعلان نه دی کړی.
