کابل تریبون (کیټي) — د ترکیې د استخباراتو ادارې رییس ابراهیم کالن افغانستان ته د خپل سفر پر مهال د طالبانو له لوړپوړو چارواکو سره لیدلي او د دواړو هېوادونو ترمنځ یې د امنیتي او دفاعي اړیکو پر پراختیا خبرې کړې دي.
کالن د طالبانو د کورنیو چارو له وزیر سراجالدین حقاني او د دفاع له
وزیر محمد یعقوب مجاهد سره په جلا لیدنو کې خبرې کړې دي.
د طالبانو د کورنیو چارو وزارت په وینا، حقاني او کالن د افغانستان او
ترکیې د اړیکو د پراختیا، امنیت، د نشهیي توکو پر وړاندې د مبارزې او د دواړو
هېوادونو د کورنیو چارو وزارتونو ترمنځ د همغږۍ په اړه بحث کړی دی.
په دې لیدنه کې د ځینو سیمهییزو مسایلو په اړه هم خبرې شوې دي.
د طالبانو د دفاع وزارت ویلي، چې مجاهد او کالن د افغانستان او ترکیې
د اړیکو، امنیتي مسایلو او د سیمهییز امنیت او ثبات په اړه خبرې کړې دي.
دواړو لورو د کابل او انقرې ترمنځ د امنیتي او دفاعي اړیکو د لا پیاوړتیا پر اهمیت هم ټینګار کړی دی.
کالن همداراز د طالبانو د استخباراتو له رییس عبدالحق وثیق سره هم لیدلي دي.
تر دې وړاندې ځینو رسنیو راپور ورکړی چې د
قطر د استخباراتو ادارې مرستیال هم نن کابل ته سفر کړی.
