کابلټریبیون (کېټي)— په لوګر ولایت کې سیمهییزې سرچینې وايي، ناپېژاندو وسلهوالو د دغه ولایت په محمدآغه ولسوالۍ کې یو قومي مخور او د افغانستان د پخواني حکومت پلوی په ډزو وژلی دی.
د سرچینو په وینا، ببرک
احمدزي د پنجشنبې په ورځ، د وږي په ۲۶مه، د لوګر د محمدآغې ولسوالۍ اړوند د بورګ په سیمه کې د خپل په کلي کې د ناپېژاندو
وسلهوالو له لوري په ډزو وویشتل شو او ووژل شو.
د سرچینو په وینا، وسلهوال له پېښې وروسته له سیمې تښتېدلي دي.
د احمدزي خپلوانو هم د نوموړي وژل کېدل تایید کړي او ویلي یې دي چې
هغه د افغانستان له پخواني ولسمشر محمد اشرف غني سره اړیکې لرلې.
د ببرک احمدزي خپلوانو ویلي چې د هغه زوی، سیفالله، د پخواني حکومت
پر مهال د کورنیو چارو وزارت د ځانګړو ځواکونو د یوې قطعې قوماندان و.
تر اوسه د طالبانو سیمهییزو چارواکو د ببرک احمدزي د وژل کېدو په اړه
څه نه دي ویلي.
همداراز تر دې دمه کومې ډلې یا کس د هغه د وژلو مسوولیت نه دی منلی.
