نوموړي زیاته کړې هغه کار ګومارونکي چې له ناقانوني کډوالو کار اخلي او د استوګنې واحدونو مالکان چې دا کسان پهکې ځای پر ځای کوي، هم سزاګانو ته رسول کېږي.
د ایران د پارلمان د کورنیو چارو کمېسیون رییس ټینګار کړی چې د کار لپاره د ناقانونه کډوالو ننوتل یوازې د کار، تعاون او ټولنیزې سوکالۍ وزارت له خوا د اعلان شوې اړتیا پر بنسټ ترسره کېږي او د دوی د استوګنې او شتون لپاره جغرافیایي محدودیتونه په پام کې نیول کېږي.
د نوموړي په وینا، هغه کډوال چې په قانوني توګه د کار لپاره ایران ته راځي، له روغتیايي او ښوونیزو خدماتو برخمن کېږي او د دغو خدمتونو لګښت د ملګرو ملتونو د کډوالو عالي کمېسارۍ له خوا تأمینېږي.
د پارلمان دغه استازي همدارنګه زیاته کړې چې د بهرنیو زدهکوونکو او پانګوالو لپاره جلا شرایط په پام کې نیول شوي او د پانګوالو لپاره هڅونې لکه د اقامت ورکول په نظر کې نیول شوي دي.
