کابل ټربیون - د پاکستان د اطلاعاتو وزیر عطاالله ترار وایي، د دغه هېواد پوځ د افغانستان په کابل او ننګرهار ولایتونو کې د طالبانو د وسلو هغه زېرمې په نښه کړي چې د هغه په خبره، "د وسله والو لاسونو ته لوېدلې."
ترار ویلي چې دغو بریدونو کې پوځي مرکزونه او د وسلو زېرمې په نښه شوي دي.
دغه پاکستاني چارواکي ویلي چې ننګرهار کې هم پر څلورو پوځي مرکزونو بریدونه شوي دي.
خو طالبان ادعا کوي چې دغو بریدونو کې د روږدو د درملنې یو روغتون په نښه شوی او سلګونه تنو ته پکې مرګز ژوبله اوښتې ده.
