د نورستان ولایت د کامدیش او برګمټال ولسوالیو ترمنځ لویه لار، چې نږدې دوه میاشتې د نښتو له امله تړل شوې وه، بېرته د تګ راتګ پر مخ پرانیستل شوه.
په نورستان کې د طالبانو د والي ویاند فریدون صمیم نن دوشنبه د حمل په
۲۴مه ویلي، دا لاره د قومي مشرانو د خبرو په پایله کې پرانیستل شوې، چې د کرښې
دواړو غاړو ته یې له یو بل سره سلا مشورې کړې وې.
د نوموړي په وینا، اوس مهال ولسي او شخصي موټرو ته د تګ راتګ اجازه
ورکړل شوې ده.
هغه زیاته کړې، د ستونزې د بشپړ حل لپاره خبرې لا هم روانې دي.
د سیمې اوسېدونکي وايي، د دې لارې تړل کېدو د خلکو پر ورځني ژوند او
روغتیايي خدمتونو منفي اغېز کړی و.
