د بغلان ولایت د طالبانو د امنیې قوماندانۍ مسوولین وایي، چې د دې ولایت د خنجان ولسوالۍ په یوه جومات کې د وسلهوال برید له امله څلور کسان وژل شوي او درې نور ټپیان دي.
د بغلان د طالبانو د امنیې قوماندانۍ ویاند، شېراحمد برهاني، ویلي چې
دغه پېښه د دوشنبې په ماښام د خنجان ولسوالۍ په یوه جومات کې د ماښام د لمانځه پر
مهال رامنځته شوې ده.
د هغه په وینا، وسلهوالو کسانو پر لمونځ کوونکو ډزې کړې، چې له امله
یې درنه مرګژوبله اوښتې ده.
برهاني زیاتوي، لومړنۍ پلټنې ښيي چې دا پېښه د کورنۍ شخړې او شخصي دښمنۍ
پایله ده.
نوموړي همداراز تایید کړې، چې د پېښې وروسته دوه شکمن کسان د طالبانو
د امنیتي ځواکونو له خوا نیول شوي او د پېښې د انګېزې او جزیاتو په اړه څېړنې
روانې دي.
بغلان له دې وړاندې هم د ورته تاوتریخوالي پېښو شاهد پاتې شوی، او
ځایي مسوولین وایي چې په ځینو سیمو کې د دا ډول پېښو تر شا د شخصي او کورنۍ شخړو
زیاتوالی یو مهم عامل بلل کېږي.
