د طالبانو د ټولګټو چارو وزارت ویلي، چې د میدان وردګ ولایت د جلرېز ولسوالۍ د سنګلاخ تفریحي سیمې د سړک جوړولو چارې د ۷۷.۷ میلیونه افغانیو په لګښت پیل شوې دي.
یاد وزارت په یوه خبرپاڼه کې ویلي، چې دا سړک به د ولسوالۍ له درېلارې
څخه د خروټو کلي تر حدبخشي سیمې پورې د ۲.۶ کیلومتره په اوږدوالي جوړ شي، او ټاکل
شوې ده چې چارې یې په نهو میاشتو کې بشپړې او ګټې اخیستنې ته وسپارل شي.
د خبرپاڼې له مخې، په دې پروژه کې د سیمې سلګونو کسانو ته د کار زمینه
هم برابره شوې ده، او د بشپړېدو وروسته به یې د ولسوالۍ اوسېدونکو، په ځانګړي ډول
سیلانیانو ته د تګ راتګ اسانتیاوې برابرې شي.
