د طالبانو د بدخشان امنیه قومنداني وايي، د دغه ولایت د کوفآب ولسوالۍ د دره شخرو په سیمه کې د واورې ښویېدنې له امله څلور کسان وژل شوي دي.
د یادې قومندانۍ په وینا، دغه کسان د کار لپاره راغستان ولسوالۍ ته
روان وو، چې په لاره کې د برفکوچ لاندې شوي او ژوند یې له لاسه ورکړی دی.
سرچینه زیاتوي، د یادو کسانو جسدونه نن (چهارشنبه) له واورې را ایستل
شوي او خپلو کورنیو ته سپارل شوي دي.
بدخشان د افغانستان له غرنیو او سړو ولایتونو څخه دی، چې هر کال د ژمي
او پسرلي په موسمونو کې پکې د واورې ښویېدنې پېښې رامنځته کېږي.
د لرو پرتو سیمو خلک، چې ډېری وختونه د کار او تګ راتګ لپاره له
خطرناکو لارو ګټه اخلي، له ورته طبیعي پېښو سره مخ کېږي.
