د طالبانو د کورنیو چارو وزیر خلیفه سراجالدین حقاني د چین د سفارت له سفیر ژاوشینګ سره په کتنه کې د دواړو هېوادونو ترمنځ د اړیکو د پراختیا، سیمهییز وضعیت او د همکاریو د زیاتوالي په اړه خبرې کړې دي.
د طالبانو د کورنیو چارو وزارت په یوه اعلامیه کې ویلي، په دې ناسته
کې دواړو لوریو د افغانستان او چین ترمنځ د اړیکو د لا پیاوړتیا پر لارو چارو بحث
کړی او د سیمهییزو مسایلو په اړه د چین د هڅو یادونه شوې ده.
په کتنه کې ټینګار شوی چې افغانستان د سیمې د عمومي ثبات غوښتونکی دی
او د طالبانو حکومت تمرکز د خپلو داخلي ستونزو پر حل، د امنیت پر ټینګښت او د خلکو
پر اقتصادي او ټولنیزې هوساینې دی.
دغه کتنه په داسې حال کې ترسره کېږي چې د طالبانو حکومت هڅه کوي له
ګاونډیو او سیمهییزو هېوادونو سره ډیپلوماتیک او اقتصادي اړیکې پراخې کړي، په
ځانګړي ډول له چین سره چې په وروستیو کلونو کې یې د افغانستان په اقتصادي پروژو او
سیمهییز اتصال کې علاقه څرګنده کړې ده.
چین بیا له افغانستان سره د اړیکو په برخه کې د ثبات، امنیت او د ګډو
اقتصادي ګټو پر اهمیت ټینګار کوي او د سیمې د هېوادونو ترمنځ د همکارۍ ملاتړ کوي.
