یو افغان سوداګر د لومړي ځل لپاره په افغانستان کې د Apple د «ایفون» موبایلونو رسمي استازولي پرانیستې ده.
د دې استازولۍ مسوول مصطفی حکیمزاده ویلي، د دې نوښت موخه په هېواد
کې د موبایل سکتور پیاوړتیا او په دې برخه کې د مسلکي ځوانانو لپاره د کاري
فرصتونو برابرول دي.
نوموړي د پرانیستې په مراسمو کې زیاته کړه چې د دوی شرکت تر دې وړاندې
هم د الکترونیکي وسایلو په برخه کې فعالیت درلود او پلان لري چې په راتلونکي کې د
سوداګرۍ، زدهکړو او نورو برخو کې هم پانګونه زیاته کړي.
په ورته وخت کې، یو شمېر شکایتونه هم مطرح کېږي چې په افغانستان کې د
موبایلونو سلګونه پلورنځي فعالیت کوي، خو ډېری یې معیاري کیفیت نه لري او د لنډې
مودې کارونې وروسته له تخنیکي ستونزو سره مخ کېږي.
