د طالبانو د نورستان د کانونو او پټرولیم ریاست وايي، د دغه ولایت د دواب ولسوالۍ د ماوي سیمې له کانونو څخه د ۵۲ میلیونه او ۶۲۰ زره افغانیو په ارزښت یو شمېر قیمتي او نیمه قیمتي ډبرې پلورل شوې دي.
د یاد ریاست په وینا، په دغو ډبرو کې بېروج، کنزیټ او مارګنیټ شامل
دي، چې د یوې داوطلبۍ له لارې پر ملي سوداګرو پلورل شوي دي.
چارواکي زیاتوي، له ترلاسه شوو عوایدو څخه پنځه میلیونه او ۲۲۶ زره
افغانۍ د طالبانو برخه ده او پاتې نورې پیسې د کان کیندونکو ته رسېږي.
د سرچینې په خبره، تېره اوونۍ هم د همدې ولایت له کانونو څخه ۲۴۲
کیلوګرامه بېروج ډبرې د یوې داوطلبۍ له لارې پر ملي سوداګرو پلورل شوې وې، چې
ارزښت یې نږدې ۲۵ میلیونه افغانۍ و.
