د هلمند کې د طالبانو امنیه قومنداني وایي، د دغه ولایت د مرکز لښکرګاه ښار په سنګیلان سیمه کې د یوې ترافیکي پېښې له امله یو کس وژل شوی او درې نور ژوبل شوي دي.
یادې قومندانۍ ویلي، دغه پېښه نن (یکشنبه) سهار شاوخوا اته بجې د یوه
«فورنر» ډوله موټر د چپه کېدو له امله رامنځته شوې چې له کابل څخه هرات ته روان و،
او لامل یې بېاحتیاطي بلل شوې ده.
د سرچینې په وینا، ژوبل کسان د درملنې لپاره روغتون ته لېږدول شوي او
له ډلې یې د یوه کس روغتیايي حالت د اندېښنې وړ ښودل شوی دی.
په وروستیو میاشتو کې د هېواد په بېلابېلو ولایتونو کې ترافیکي پېښې
زیاتې شوې دي، چې تر ډېره یې لاملونه بېاحتیاطي، د سړکونو خراب وضعیت او د
ترافیکي اصولو نه مراعت بلل کېږي.
