د طالبانو تر کنټرول لاندې د افغاستان د سوداګرۍ او پانګونې خونې ویلي، د افغانستان او ازبکستان د خصوصي سکټورونو ترمنځ د ۲۱۰ میلیونه امریکايي ډالرو په ارزښت سوداګریز تړونونه لاسلیک شوي دي.
د یادې خونې په وینا، دغه تړونونه پرون (یکشنبه) د یوه ۱۰۰ کسیز
افغان پلاوي د سفر پر مهال د دواړو لورو ترمنځ په یوه سوداګریز کنفرانس کې لاسلیک
شوي دي.
د راپورونو له مخې، د ۲۰۲۶ زېږدیز کال له پیله راهیسې د دواړو
هېوادونو ترمنځ د څه کم درې میلیارده افغانیو په ارزښت لسګونه سوداګریز تړونونه او
هوکړې هم لاسلیک شوې دي.
په وروستیو کلونو کې د افغانستان او ازبکستان ترمنځ اقتصادي او
سوداګریزې اړیکې پراخې شوې دي. دواړه هېوادونه هڅه کوي چې د سوداګرۍ کچه لوړه کړي،
ترانزیټي اسانتیاوې زیاتې کړي او د سیمې په کچه اقتصادي همکاري پیاوړې کړي.
