د طالبانو د کانونو او پټرولیم وزارت وایي، د ازبکستان یوه شرکت په افغانستان کې د سرو زرو او مسو پر کانونو د پانګونې لېوالتیا څرګنده کړې ده.
د دغه وزارت په وینا، د یاد شرکت استازي کابل ته راغلي او پرون
(دوشنبه) یې د وزارت د برنامو او پالیسۍ له مرستیال عبدالرحمان قانت سره لیدنه کړې
ده.
په دې لیدنه کې دواړو لورو د سرو زرو او مسو پر کانونو د پانګونې په
اړه خبرې کړې دي.
وزارت زیاتوي، چې قانت د ازبکي لوري د پانګونې هرکلی کړی او ویلي یې دي
چې د دې موضوع د تعقیب لپاره به په راتلونکې کې د دواړو خواوو د تخنیکي کمېټو
ترمنځ ناستې هم ترسره شي.
