په بدخشان کې د طالبانو د امنیې قومندانۍ ویلي چې د دغه ولایت د کوفآب ولسوالۍ په باخیرآب سیمه کې د یوې ترافیکي پېښې له امله دوه کسان وژل شوي دي.
د قومندانۍ په وینا، دا پېښه پرون (سهشنبه) هغه مهال رامنځته شوه چې
د هغوی موټر له سړک څخه سیند ته ولوېد، چې له امله یې دواړه سپاره کسان خپل ژوند
له لاسه ورکړ.
سرچینې زیاته کړې چې د وژل شویو کسانو جسدونه په سیند کې لادرکه دي او
د موندلو هڅې یې روانې دي.
اړوند چارواکي وايي، په بدخشان کې ورته ترافیکي پېښې ډېری وخت د غرنیو
او خرابو لارو له امله رامنځته کېږي.
