د هندوستان د بهرنیو چارو وزارت وايي، دغه هېواد افغانستان ته له راستنو شویو افغان کډوالو سره د مرستې په موخه د خېمو یوه جوپه لېږلې ده.
د دغه وزارت ویاند رندهیر جېسوال ویلي، دا مرسته افغانستان ته رسېدلې
او د طالبانو د کډوالو او بېرته راستنېدونکو چارو وزارت ته سپارل شوې ده.
هندوستان تر دې وړاندې هم په بېلابېلو برخو کې له افغانستان سره بشري
مرستې کړې دي.
د یادونې وړ ده، چې په دې وروستیو کې له ایران او پاکستان څخه د افغان
کډوالو د بېرته ستنېدو بهیر چټک شوی او هره ورځ زرګونه کسان هېواد ته راستنېږي.
ملګرو ملتونو او مرستندویه بنسټونو خبرداری ورکړی چې افغانستان د راستنېدونکو د
سرپناه، خوراکي توکو، روغتیايي خدمتونو او نورو لومړنیو اړتیاوو د پوره کولو لپاره
لا ډېرو نړیوالو مرستو ته اړتیا لري.
